Gidaghanon sa scholar nga patunghaon sa ACT limitihan — Rama
CEBU, Philippines - Si Mayor Michael Rama supak sa sugyot nga ang Asian College of Technology (ACT) nga iya ni Konsehal Rodrigo “Bebot†Abellanosa dili na iapil sa lista sa mga tunghaan nga makadawat og mga scholar sa dakbayan.
Matud ni Rama nga dili siya pabor niining maong lakang kay maapektahan man kadtong mga tinun-an nga ganahan nga motungha sa ACT. Gusto ni Rama nga butangan lang og kinutoban o limiti ang gidaghanon sa mga scholar nga dawaton sa ACT.
Sa laing bahin, si Atty. Aristotle “Totol†Batuhan nga kaatbang ni Abellanosa sa pagka- kongresista sa south district sa eleksyon karong Mayo 13, mosang-at og reklamo batok sa konsehal adto sa City Council’s Committee on Ethics.
Kwestiyonon ni Batuhan sa komitiba nga gipangulohan ni Konsehal Sisinio Andales ang pagka sakop ni Abellanosa sa City Scholarship Program committee nga gihulagway niya nga “conflict of interest†kay ang konsehal presidente man ‘sab sa Asian College of Technology.
Gisaway ni Batuhan si Abellanosa kay matud niya wala pa kini motubag sa reklamo nga iyang gipasaka batok sa konsehal didto sa Malacañang nga naglambigit sa pagdawat sa iyang tunghaan og mga scholar sa dakbayan.
Si Batuhan miingon basi sa balaud hatagan g’yud siya’g kopya sa tubag ni Abellanosa sa iyang kaso apan wala gayud siya makadawat hangtud karon.
Apan si Abellanosa nagkanayon nga gusto lang g’yud ni Batuhan nga makakuha og media publicity. Nangangkon si Abellanosa nga sikat siya kay sa iyang kontra mao nga nagtinguha g’yud si Batuhan og publisidad. (/WC) (BANAT NEWS)
- Latest
