Taga Customs gipasidunggan

CEBU, Philippines - Ang mga sakop sa Bureau of Customs gipasidunggan sa buhatan sa Intellectual Property Office of the Philippines (IPOPHL) human rondaha  niini ug misakmit sa gibanabanang P100 milyones  nga  mga pinayuhot  nga  mga  kahimanan  sa  mga  babaye  lakip  na  ang  mga alahas  sa milabay’ng semana sa dakbayan sa Lapulapu.

Ang Director General sa ISOPHL nga si Atty. Recardo Blancaflor mipalanog  sa ilang  pasalamat   ngadto  kang BOC Commissioner Rufino Rozzano "Ruffy" Biazon   tungod  sa malampusong  kampanya   nga gilusad  niini  batok sa mga piniratang butang nga gipayuhot dinhi sa Sugbo.

Gumikan niini usa  sa  mga opisyal ug  kawani sa Customs nga  gipasalamatan  sa IPOPHL   mao si Atty. Zsae Carrie de Guzman, Chief sa Intellectual Property (IP) Unit sa BOC, COO IV Ciriaco Ugay, Task Force REACT Cebu, Atty. Rico Rey Francis Holganza, OIC, CIIS Cebu, Arneth Manquiquis, Asst. OIC, CIIS Cebu, Atty. Teddy Sandy Raval, IP unit, BOC. Lt. Reynaldo Lascota, Sector Commander ESS, Customs Police Sub-Port of Mactan. Franz Angelo Moñuz, Asst. OIC, CIIS Sub-Port of Mactan ug SAII Joshua Managula, ESS, Team Leader

Gipasalamatan mao ang mga sakop sa CIIS nga sila si IA II Constancio Ecarma, IA I Julius Reynoso Galang, IA I Ronnie Ylaya, Nenita Bautista, Manuel Yapan Jr., Richard Cornia ug Pompeyo Arante.

Ang maong "commendation" sa IPOPHL gipaabot  ngadto sa buhatan ni Finance Secretary Cesar Purisima ug nanghinaut si Blancaflor nga padayon ang ilang kooperasyon sa pagsumpo sa mga kaso sa Anti Piracy ug Intellectual Property Rights Laws.

Kahinumdoman nga usa ka shopping center sa dakbayan sa Lapulapu ang AHA Fashion Collection Shopping center nga gipanag-iya sa usa ka Korean national gironda sa mga sakop sa BOC uban ni Comm. Biazon sa milabay’ng semana gumikan sa taho nga namaligya kini og mga pinayuhot nga ladies accessories ug mahalong relo nga wala mobayad  og  buhis  sa buhatan sa BOC.

Misangpot  kini  sa pagpatak-op  sa maong  tindahan samtang gihiposan niini ang mga ebidensiya human kini   maimbentaryo. (BANAT NEWS)