Hepe ug mga sakop girelibohan
CEBU, Philippines - Hepe sa Mambaling Police Station sa siyudad sa Sugbu giparelibuhan uban sa upat ka sakop niini sa miscellaneous team tungod sa one strike policy sa kapolisan batok sa illegal nga sugal.
Bisan pa sa sub-sob nga operasyon sa Mambaling Police Station kontra ilegal nga sugal, wala gihapon matagbaw si Chief Supt. Marcelo Garbo Jr. sa ilang nahimo. Kini human ang Regional Special Operation Group nakasakmit og kapin sa 30 ka mga illegal gambling machines gikan sa barangay Duljo-Fatima.
Una pa ang maong operasyon moabot na sa 50 ka mga moli-moli ug video karera machines ang nasakmit sa Mambaling Police Station sa nangaging mga adlaw.
Matud pa ni Garbo napakyas si Chief Insp. Sarah Jean Recla sa iyang misyon pagsumpo sa ilegal nga sugal sa iyang dapit. Samtang ang miscellaneous team niini nga mao untay mangita ug manakop sa mga sugalan giapil og relibo.
Ang narelibohang mga sakop ni Recla mao sila si PO2 Julius Tadeo, PO1 Glenn Besande, PO1 Bryle Villaban, ug PO1 Jonathan Tilos.
Wala pa ibutyag ni Garbo og kun si kinsa ang ihulip kang Recla ug kun asa kini ibutang.
Si Recla mipadayag nga si Garbo maoy amahan sa kapolisan sa rehiyon ug andam siyang mosunod sa mando niini.
“Si RD (regional director Garbo) amahan na sa tibuok region kung unsa iyang decision no comment lang ko kay apil man na sa panerbisyo ang ma-relieved,†padayag pa ni Recla. (BANAT NEWS)
- Latest
