Usher sa jai-alai dakpan, 40 ka gambling machine sakmit

CEBU, Philippines - Nagtingkagol ang usa ka lalaki human kini masikop sa pagpamaligya  og   tiket  sa jai-alai  samtang dul-an   sa 40 usab ka  mga illegal gambling machine ang nasakmit sa kapolisan sa Regional Special Operations Task Group (RSOTG)  sa sitio  Alaska, barangay  Mambaling, dakbayan  sa Sugbo  sa miaging  gabii.

Ang  nasikop  mao  si Ernesto Villamor Lao,  sa sitio Alaska   kinsa  naaktohan  nga namaligya og  tiket  sa jai-alai.

Nasakmit gikan kang Lao mao ang   mga stub  nga suwatan og  numero, kwartang gituohang halin  niya  nga  mikantidad  og  P 200 ug ballpen.

Samtang   sa padayong  pagpangronda  sa  kapolisan sa sitio Macabajay, Duljo-Fatima  nasum-okan  niini  ang  11  ka video karera ug 26 usab ka mga moli-moli machine  ug  diha-diha  ila  kining  gisakmit.

Subay sa tinguha sa kapolisan nga mamahimong zero illegal numbers game ang dakbayan sa Sugbo,  wala silay puas   sa  pagpangronda sa nagkadaiyang lugar sa Sugbo  matag  karon  ug  unya. (WC)(BANAT NEWS)