Eskuylahan sa Cordova naigo sa sunog

CEBU, Philippines - Tulo ka lawak saringan sa usa ka tulunghaan sa elementarya sa lungsod sa Cordova ang naugdaw sa milabay’ng gabii. Ang nasunogan nga tunghaan mao ang Cogon Elementary School sa Brgy. Cogon sa  maong lungsod.

Sa pasiunang imbestigasyon ni SFO3 Randy Cuizon sa Cordova fire department nasuta nga tulo sa napulo ka mga lawak saringan ang gilamoy sa kalayo gumikan sa kakaraan na niini.

Matud pa ni Cuizon posibleng "electrical misused" ang hinungdan sa maong sunog nga gialarma alas 6:15 sa milabay’ng gabii ug nakontrolar sulod sa tulo ka minutos ug gibanabanang mokabat sa P100 mil ang danyos. (/EIM) (BANAT NEWS)