Cañete nalipay iyang kolehiyo pabuhisan

CEBU, Philippines - Gihangop ni Dr.  Paulus Marie Canete ang tinguha sa buhatan sa tresurero sa dakbayan sa Mandaue sa  pag-inspeksiyon sa ilang tulunghaan sa tuyo nga pabayron  kini  og  buhis.

Matud pa niya nga ang lakang nga pag-inspeksiyon sa ilang tulunghaan nga nahimutang na karon sa halapad nga lugar sa dalan H. Abellana sa barangay Basak sa maong dakbayan,  usa  ka timailhan nga  giila  na  sa  lokal nga kagamhanan  ang  ilang  eskuylahan   Si Regal  Oliva nga maoy city treasurer sa Mandaue sa iyang pagpakighinabi sa mga tigbalita  nagkanayon  nga gitinguha  niya  nga makolektahan  gayud  og  buhis  ang   Mandaue  City College (MCC)   nga  gidumala  sa iyang  presidente  nga  si Dr. Canete.

Dugang pa niya nga nagtuo ang nagdumala sa maong tulunghaan nga non-stock ug non-profit institution ang MCC ni Canete apan dili kini exempted sa business permit ug  lakip  na  usab  ang daang  bayranan  nga wala  kabayri  niini  sa dihang didto pa sila sa Tipolo campus.

Hinuon si Canete  mitataw nga iyang  itugot  ang   pag-inspection  kay  andam  siya  sa  pagbayad  og  business  permit  kun  gikinahanglan.

Hinuon  midugang  si Cañete  nga  kini  ubos  sa kondisyon  nga  kinahanglang   may  mando  gikan  sa  korte.

“We are a public school,” ni Canete  pa sa iyang pamahayag. ”So, we don’t need to be inspected.”

Si Dr. Canete sa iyang pagpasabot miingon nga ilang gipahimutang sa dakong lugar ang MCC nga iyang gidumala tungod sa iyang namatikdan nga nag-anam og kadaghan sa mga tinun-an nga nagtungha sa maong tulunghaan. (BANAT NEWS)