Hunob sa tunnel way peligro–Enriquez

CEBU, Philippines - Gitataw ni Cebu City Engineer Kenneth Carmelita Enriquez nga walay peligro ang paghunob sa tubig  sa tunnel  sa sub-way   nga   nag-agi ilawom sa Plaza Independencia.

 Si Enriquez ug ang ubang structural engineer sa Department of Engineering and Public Works (DEPW) gimandoan ni Mayor  Michael Rama pagsusi sa nadawat niya nga report   kalabot  sa giingong  paghunob  sa  tunnel sa Plaza.

 Sa  sayo pa ang mayor wala dayon motuo sa pamahayag ni District Engineer Nicomedes Leonor nga mitug-an sa Banat News nga walay peligro ang “leak” sa tunnel.

 Matud ni City Engineer Enriquez nga ang tubig nga mihunob sa tunnel anaa  mosubay sa tinakdoan sa semento ug sayon ra kini nga kahimoan og sulbad.

 Nagtuo ang mga opisyal sa DEPW nga ang tunnel ubos pa sa warranty period ug nga ang Japanese contractor maoy adunay katungod sa pag-ayo niini.

 Matud ni Rama nga ang Department of Public Works and Highways (DPWH) nga maoy nagdumala sa tunnel kinahanglang moatiman dayon sa maong  problema. (BANAT NEWS)