P116 milyones kontrabando sakmit
CEBU, Philippines - Mikabat sa P116 milyones nga balor sa mga sinakong bugas, asukal, sakyanan ug nagkalainlaing personal nga gamit nasakmit sa mga tinugyanan sa Bureau of Customs gikan sa 24 ka container van sa Cebu International Port (CIP) kagahapon sa buntag.
Ang pagsakmit gipangunayan pagpanguna ni Customs Commissioner Rufino Rozzano “Ruffy†Biazon ug Intelligence and Enforcement Group Deputy Commissioner Retired General Danny Lim pinaagi sa pag-abli sa 20 ka container van nga gikargahan sa mga sinakong bugas ug 4 ka container van nga gisudlan sa sinakong asukal.
Matud pa ni Biazon nga mokabat sa P10 milyones ang kantidad sa mga sinakong bugas nga gikan sa nasud sa Taiwan nga gideklarar nga “wall insulatorâ€.
Samtang ang upat ka container van nga gisudlan sa sinakong asukal gikan usab sa nasud sa Thailand nga nagkantidad usab og P5 milyones.
Midunggo kini sa CIP niadtong Feb. 22, 2013 luwan sa M/V Cape Franklin.
Gawas sa mga sinakong bugas ug asukal, nasakmit usab sa mga otoridad ang upat ka mga handgun ug usa ka M16 armalite rifle nga gipresentar ni ESS Customs Police District Commander Maj. Camilo Casculan Jr. nga gibana-bana nga mobalor og P400 mil.
Ang maong mga armas gipasukip sa mga kargamento nga gipanag-iya sa usa ka Australiano nga si Ronald Banks.
Laing nasakmit sa taga Customs mao ang usa ka 1,000 cc Rapton Motor Big Bike gikan sa Australia nga nagkantidad og P800 mil.
Lakip nga nasakmit ni Biazon ug mga kauban mao ang mga mahalong mga personal accessories para sa usa ka tindahan nga gipanag-iya sa usa ka Koryano nga gibanabana nga mokantidad og P100 milyones
Ang tanang nasakmit sa mga tinugyanan sa Custom mikabat og P116 milyones apan wala silay nasikop nga mga smuggler.
Samtang si Dela Cuesta mapasalamaton kaayo sa iyang mga sakop sa subsub nga pag-monitor sa ilang area of responsibilities hinungdan nga nadiskobrehan ang maong mga kontrabando. (/WC)(BANAT NEWS)
- Latest
