Nanglaba lawas gitusak sa kutsilyo

CEBU, Philippines - Namatay  diha-diha  ang  usa ka mag-uuma  dihang  gidunggab  kini  makadaghan sa  wala  hiilhing kriminal  samtang nanglaba  duol  sa kahumayan  sa sitio Tugas, barangay  Bolinawan, syudad  sa Carcar  sa miaging  buntag.

Ang  biktima  nailhan  nga  si Felizardo Arellano, 42, residente sa Sitio Reles, kansang  lawas  natusak  sa  mga  samad  dinunggaban.

Si PO1 Jessie Desales, sa Alert team sa kapolisan  sa Carcar  nangita    sa ginganlan  og  Ycong  kay  mao  kuno  kini  ang  kanunay  nga  mireklamo  bahin  sa    paghugpa sa mga  kawatan  sa ilang  lugar.

Apan  milakaw  kini  busa  wala  hiabti  sa kapolisan  sa ilang  balay.

Karon  padayon  pang  gipanid-an  sa kapolisan   kinsay  mipatay  sa biktima.  (BANAT NEWS)