Gidudahang mipusil sa iyang gikaaway nadakpan

CEBU, Philippines - Nasikop sa kapolisan ang gidudahang mipusil sa usa ka tawo nga natulog sa lantay sa ilang tugkaran didto sa Brgy. Jugan, lungsod sa Consolacion sa milabay’ng gabii.

Ang nasikop mao si Clinton Diaz, 19, ulitawo ug residente sa maong dapit.

Nasayran sa kapolisan  nga si Diaz usa sa nakaaway sa biktima nga si Recardo Alibio .

  Sa pagsuwat ning balita wala  pa mogawas  ang  resulta  sa paraffin test nga  gihimo  sa PNP  Laboratory  ngadto  sa suspetsado  kinsa  anaa  karon  sa kustodiya  sa kapolisan  sa Concolacion.

Si Alibio gipusil samtang natulog sa lantay  sa gawas  sa ilang  balay sa miaging  gabii  ug  nagpabilin    pa  kini  sa tambalanan  hangtud  karon.  (BANAT NEWS)