15-anyos gidakop human makadunggab

CEBU, Philippines - Nadakpan sa kapolisan ang 15-anyos nga batang lalaki nga suspetsado sa pagpanunggab sa barangay Poblacion, lungsod sa Cordova sa miaging kaadlawon.        

Si PO1 Ryan Casiban sa Cordova Police Station nga nahinabi sa Banat News miingon nga ang 15-anyos nga ilang nadakpan maoy suspetsado sa pagpanunggab sa biktima nga si Mark Christian Sitoy Choche, 25, nagpuyo usab sa maong dapit.  

Matud pa ni Casiban nga nagdula og billiard ang biktima kuyog sa pipila ka mga batan-on dihang kalit nga mitumaw ang suspek ug giluba sa ilok ang biktima.

Si  Casiban miingon nga gipalit sa suspek ang away sa amigo niini nga giingong gikulata sa grupo sa biktima.( /EIM)  (BANAT NEWS)