Leksyon gikan sa usa ka buta!

CEBU, Philippines - Makita sa hulagway si Felicitas Rosales Banua (tuo, atubangan), sa Calamba ning dakbayan, kauban sa mga staff sa OSCA, mi-apply og cash assistance. Qualified kaayo tungod kay botante man.  Sa ato pa, samtang ang uban kanato walay depekto sa lawas, nagdumili na pagbotar kay kapuyan pagparehistro, si Felicitas Banua wala manumbaling sa kakulian sa lawas, wala mohikaw sa iyang kaugalingon sa katungod pagpili.

Matud ni Lando Llaguno, OSCA Head ning dakbayan, mamahimo untang panig-ingnan si Felicitas sa mga lungsoranon nga walay kakulian sa lawas nga dili usikan ang katungod ug katungdanan pagpili.

Angay hinumdoman nga ang eleksyon, usa ka kasangkapan, ug unang mga lakang pagkab-ot sa mga reforms. Sa ato pa, kun unsa ang atong ugma, mag-agad kini sa atong pagpili sa mga tawo nga maoy atong padad-on sa renda sa panggobiyerno. 

Busa, kun ibaligya lang gihapon nato ang atong voto, kun ang kwarta lang gihapon maoy atong paghukmon karong Mayo 13, wa gyud tay mapaabot nga maayo sa atong nasud. Akong usbon, ikaw lungsod ang magbuot kun unsa nga mata’g sa ugma ang atong puy-an after the May 13 elections. Ingon ikaw niini ka gamhanan. Siyaro, sa atong pagka-senior citizen di lang gihapon ta kamaong mopili sa hustong mga tawo nga moalagad sa lungsod!  

In the meantime, paminaw kanunay sa Senior Citizens Hour sa dyRC 648 kHz matag Sabado, 4:00-6:00 pm, tels. 4125249, 4125298.  (BANAT NEWS)