Liso og pangisip gipusil patay

CEBU, Philippines - Nabulit sa samad pinusilan  sa nagkalain- laing kalibre sa armas ang patay’ng lawas sa usa ka ulitawo nga adunay deperensiya sa panghuna- huna kinsa gibanhigan didto  sa Sitio Dapdap, barangay Bugas, lungsod sa Badian niadtong Biyernes  sa gabii.

Ang biktima nga namatay  dihadiha mao si Oniel Padilla, hingkod, ulitawo,  nga  taga  barangay Banhigan sikbit nga barangay  sa  Bugas,  kinsa  may  deperensiya  sa panghuna- huna ug magpataka nalang og suroy.

Si P02 Randy Balansag imbistigador sa Badian Police  Station mibutyag  sa Banat News   nga  subay  sa ilang  imbistigasyon  ilang  nasuta   nga ang biktima milakaw  ngadto  sa maong lugar nga wala hisayri sa iyang mga kabanay. Apan  sa  pag-abot   niini sa maong dapit gitabangan  kini og pusil  sa gibanabanang sobra  sa  usa ka wala  hiilhing  mga   tawo   nga  maoy  hinungdan  sa kamatayon  niini.

Gihulagway sa kapolisan  nga  mingaw ug  ngitngit  kaayo  ang  dapit  nga namatyan  sa biktima  hinungdan  nga walay  makabutyag  kinsay  nanamastamas  niini.

Ang mga polis nga miadto  sa  nahitaboan  nakapunit og siyam ka mga kabhang sa bala sa kalibre 9mm ug laing tulo ka kabhang sa kalibre .45 nga armas. Ang mga molupyo sa maong lugar nga nahinabi sa mga polis mitug-an nga nakadungog sila og mga buto -buto sa armas sa maong   dapit apan walay  misuse  niini  tungod  sa kahadlok   kay  awaaw  kaayo  ang  maong  lugar  nga  nahitaboan  sa krimen.

Ang kapolisan  nga  gipangulohan  ni Insp. Rico Romaguera, hepe  sa Badian  Police Station milusad  og  followup operation  aron pagtumbok   kinsa  mipatay  sa biktima.

Dunay mga pagduda nga posibling gi-praktisan o gikalingawan  lang  og   pusil ang biktima tungod kay magpataka   nalang   kini og suroy.

Apan  subsob  nga  gipanid-an  sa kapolisan  ang  palibot  aron  matumbok  ang  mga  kriminal.  (BANAT NEWS)