Cebu di sentro sa smuggling-Biazon
CEBU, Philippines - Gipasabot ni Bureau of Customs Commissioner Rozzano Rufino “Ruffy†Biazon nga dili lang ang Sugbu maoy agianan sa smugglers dinhi sa nasud.
Atol sa ika 111th Founding Anniversary sa BOC nga gipahigayon sa ilang kanhi buhatan sa Malacañang sa Sugbu si Biazon mipadayag nga dili lamang sa Sugbu nahitabo ang smuggling.
Matud pa niya lakip sa ubang bahin sa aduana sa Luzon ug Mindanao naghitak usab ang smuggling.
Gihimong basehanan ni Biazon ang dako nga smuggling case sa Subic Port diin dili mominus sa 400 ka container vans sa gipayuhot nga bugas ang ilang nakumpiskar.
Samtang sa Port of Davao usab nakumpiskar sa BOC ang ubay-ubay nga container vans sa mga bugas nga gipayuhot ug uban pang matang sa smuggled nga mga kargamentong buot ipalusot dinhi sa nasud. Niadtong nakalabay nga tuig napulo ka container vans sa asukar ug bugas ang nakumpiskar sa mga sakop sa Customs Police ug may mga importers ug brokers nang gikasohan tungod niini. Matud pa ni Biazon ning tuiga mas hugot nga kampanya sa smuggling ang ilang pagahimoon aron mobati ug kasakit ang mga smuggler sa illegal niini nga kalihukan.
Mibahad usab si Biazon nga hasta ang mismong ahensya iyang limpyohan gikan sa mga ‘smugglers’ nga mga kawani. (BANAT NEWS)
- Latest
