Gullas mihangop sa desisyon sa USJ-R

CEBU, Philippines - Si Kongresista Eduardo Gullas sa unang distrito sa probinsiya sa Sugbo mihangop sa presidente sa University of San Jose Recoletos (USJ-R) tungod sa wala pagpalagpot niini sa usa nila ka tinun-an kinsa nalambigit sa eskandalo sa sex video.

“I give my hat to Reverend Father president for the way it was being handled. I would also like to congratulate the students, the teachers and the alumni for rallying behind administration”, matud ni Gullas sa gipahigayong press conference kagahapon sa hapon diha sa iyang buhatan sa University of the Visayas.

Si Gullas kinsa presidente sa UV miawhag sa tanang tinun-an sa ubang mga tunghaan ug unibersidad nga publiko ug pribado ug nagkanayon kini nga “the whole studentry of Cebu from schools and universities, private and public to help them recover……not to make any comments or dili magbugal-bugal ba”.

Sa maong eskandalo kinsa ang nalambigit nga tinun-an nagsul-ob og uniporme diha sa video ang mga tinun-an sa USJ-R temporaryong gisuspenso ang pagsul-ob nila og uniporme aron dili kini bugal-bogalan apan ugma (Lunes) ang mga tinun-an gitugotan na sa tunghaan nga mosul-ob na og balik sa ilang uniporme.

Ang Kongresista nagkanayon nga misuporta usab siya sa desisyon sa Silab sa paghatag og pagtugot nga ang maong estudyante nga nalambigit sa eskandalo makagradwar bisan pa sa pamahayag ni Monsignor Achilles Dakay nga makahatag lang kini og dautang ehimplo ngadto sa uban.

“I’m sure (Silab) has been able to take that into account. But what he did I agree completely….to let her graduate. He may be afraid that it will be made as an example. But will you jeopardize her future just because you are afraid that if she is allowed it would become a bad example for others? I don’t think it is not fair”, matud sa Kongresista.

Matud usab sa Kongresista nga kung ang maong tinun-an estudyante kini sa UV tugotan gihapon kining makagradwar. “All of us are sinners, it is just a matter of degree”.

Kabahin sa lalaking pares sa babayeng tinun-an kinsa maoy mi-record sa video ug giingong maoy mi-upload niini sa internet kung tinun-an kini sa UV dili gihapon kini isalikway apan ipaubos kini sa mga counseling. (BANAT NEWS)