Kabataan sa Parian gilingaw sa taga USJR

CEBU, Philippines - Aron  makabaton og  maayong  giya sa ilang  maayong  ugma  ang  mga  kabataan  nga  gisagop  sa Parian drop-in Center,  ang  mga estudyante  sa Mass Communication (Masscom) sa usa ka  unibersidad  ning  dakbayan  mipahigayon  kanila  og outreach  program samiaging  adlaw.

 Ang Parallax Group, grupo  sa  mga tinun-an  sa Masscom  nga  ubos  sa Public Relations Class sa University of San Jose-Recoletos (USJR) ,midala og suroy-suroy  sa mga bata  ngadto  sa nagkalainlaing  lugar  ning  dakbayan ug  ila  kining  gilingaw-lingaw sa  tinguha  nga makabaton  ang  mga  bata  og  kasinatian sa  mga kalihokan  sa palibotkauban  sa  mga  estudyante  sa USJR. 

Sa  ilang  pagsuroy-suroy  ug  lingaw-lingaw, may  mga lekturausab  nga gipahigayon  ang grupo  ngadto sa maong  mga  bata  nga  mihatag  og  maayong  pagtulun-an  ug  pahimangno  alang sa maayo  nilang  ugma.

Nasayran  nga  ang maong  mga  bata  ngaanaa  sa Parian Drop-In  Center, pulos  mga  biniyaan  sa ilang  mga ginikanan.

Ang  uban  gibilin  sa  atubangan sa simbahan,  ang  uban  gibilin  sa hospital  nga  gipanganakan  sa inahan  ug  ang  uban gibilin  sa  nagkalainlaing  lugar  ning  dakbayan  ug  gisagop  sila sa  Parian  drop in  center  aron mapakaon, mapatubo  ug  maatiman  ang  ilang  maayong  ugma.

Ang  USJR  kaabag sa kagamhanan  sa paghatag  og  leksyon  sa mga  bata  aron modagko  sila  nga  may  maayong  kahulogan  sa sosyedad. (BANAT NEWS)