Anibersaryo sa Cebu Custom himoon sa Malacañang sa Sugbo

CEBU, Philippines - Ang Bureau of Customs (BOC) sa Sugbo magsaulog  sa ilang ika-111  nga Founding Anniversary  karong adlawa sa ilang kanhing buhatan sa Malacañang sa Sugbo (MS) sa Plaza Independencia.

Ang MS  maoy karaang buhatan sa BOC sa Sugbo apan  dihang  gigamit  kini  sa  panahon  sa administrasyon  ni  kanhi  Presidente  Gloria  Macapagal Arroyo isip  MS, wala  na  kini  mabawi  sa BOC walo na ka tuig  ang  nakalabay.

Matud pa ni BOC Cebu District Collector Atty. Ronnie Silvestre   nga  nalipay  kaayo  sila dihang  misugot  ang  Malacañang  sa ilang hangyo  nga mopahigayon  sila  og kasaulogan sa  maong  edipisyo  karong  adlawa.

Lakip sa motambong sa maong  kalihokan karong adlawa mao si Finance Secretary Cesar Purisima ug Customs Commissioner Rufino “Ruffy” Biazon ug tanang mga district collector sa BOC sa tibuok nasud.

Si Cebu South District Representative Tomas Osmeña maoy keynote speaker samtang  walay  konpirmasyon  kun  makatambong  ba  si Presidente  Benigno Aquino III  ning maong  kasaulogan  karon. (BANAT NEWS)