Pawnshop motabang sa mga motorista

CEBU, Philippines - Gihatagan og solusyon sa Cebuana Lhuillier Insurance Solutions Inc. (CLIS) ug Federal Phoenix Assurance Company Inc. (FPAC) ang problema sa mga motorista bahin   sa  balaod nga nagmando   kanila sa pagkuha og Compulsory Third Party Liability (CTPL) insurance   alang  sa ilang  seguridad.

Si  CLIS General  Manager Jonathan  Batangan  nagkanayon  nga ang CTPL usa ka car insurance nga  moprotiher   sa kamatayon ug  pagka-angol  sa  third party   o  pasahero  o  nadasmagan sa sakyanang  de motor  sa panahon  sa   disgrasya  sa kadalanan. 

Matud  ni Batangan  nga ang maong balaod  angay  tumanon  sa mga motorista  sa panahong  magparehistro o magpa-renew sila sa  rehistro sa ilang sakyanan ngadto  sa buhatan  sa Land  Transportation  Office (LTO).

Ang CLIS  andam  na  nga    motabang  sa mga  motorista  sa  maong  higayon  basta  isumiter  nila ngadto  sa  maong  buhatan  ang  kopya sa LTO certificate of registration (CR) sa  ilang  sakyanan, kauban sa official receipt (OR  sa  gibayran niini.

Gitawag   kini og Cebuana Compulsory Third Party Liability (Cebuana CTPL) nga gitumong  aron  katabangan  ang  mga kabos  nga   motorista kinsa   pirmeng  nasugamak  sa  mga  mangingilad nga mga insurance company.

Gipasalig  ni Batangan nga sayon ug dali ra ang proseso sa pagkuha sa maong CTPL  pinaagi  sa pagduol  lang  sa  mga  hingtungdang  motorist  ngadto  sa labing duol  nga  pawnshop  sa Cebuana  Lhuillier  ug  mobayad  lang  sila  og  P300  ngadto  sa P400. (BANAT NEWS)