Ig-agaw sa Bise Mayor gi-ambush patay
CEBU, Philippines - Gipusil patay samtang nag-angkas sa motorsiklo ang giingong ig-agaw ni Carcar City vice mayor Patrick Barcenas samtang nagbiyahi kini sa highway sa barangay Tuyan sa siyudad sa Naga niadtong Biyernes sa alas 10:40 sa gabii.
Ang biktima maayong pagkatagak gikan sa motorsiklo mao si Erwin Barcenas, 46, taga Poblacion siyudad sa Carcar ug ig-agaw ni bise mayor Barcenas.
Samtang padayon pa ang kapolisan pagtumbok sa mamumuno atol sa paghimo ning balita. Matud pa duha ka mga lalaking sakay sa ‘cannibalized’ nga motorsiklo nga wala’y plate number ang nagpusil sa biktima.
Matud ni PO2 Dionisio Traumata sa Naga City Police Station nga nahinabi sa Banat News nag-angkas sa iyang amigo nga si Jonathan Sagalili si Barcenas gikan sa barangay Inayagan ug padulong na mamauli.
Apan pag-abot sa nahisgutang lugar kalit lang ni-overtake kanila ang motor nga gisakyan sa mga killers ug ang angkas sumala pa kalit nga mipusil sa biktima ug pagkahuman mipasirit palayo.
Sumala pa nga nakatingog pa ang biktima sa pag-ingon: “Tan-tan gipusil ko!†Daling mihunong si Sagalili apan natagak na ang biktima. Ang mga estambay daling mitabang sa duha ug mitawag sa kapolisan ug midala sa biktima sa South General Hospital apan gideklarar kining patay na.
Lima ka kabhang sa bala sa .9mm ug usa ka deformed slug ingon man sigarilyo ug usa ka nokia cellphone ug kwarta nga 300 pesos ang nahipos nilang ebidensya diha sa crime scene.
Matud pa ni Traumata ig-agaw ni bise mayor Barcenas sa siyudad sa Carcar ang namatay. Gisusi pa sa kapolisan kung unsay motibo sa maong pagpatay. (EIM)(BANAT NEWS)
- Latest
