BACOLOD CITY, Philippines — Lima ka siyudad ug unom ka mga lungsod sa Negros Occidental ang gibutang sa election watchlist.
Matud pa ni Senior Supt. Celestino Guara Jr., acting Negros Occidental Police Provincial Office (NOPPO) director sa report sa PIA, gimonitor karon ang maong mga lungsod.
Ang maong mga dapit mao ang Escalante City (Category 1); Cadiz City; Victorias City; Himamaylan City ug Sipalay City; samtang ang mga lungsod sa Binalbagan, Manapla, Toboso, Calatrava, Moises Padilla ug Ilog nalakip usab sa listahan.
Ang Category 1 nagpasabot nga dunay grabeng kainit nga panagribal sa politika ug posibilidad nga may armadong mga grupo nga malambigit; samtang Category 2 nangahulogan nga posibleng may grupo sa mga armado nga magsamok-samok sama sa New People’s Army (NPA) o private armed group(PAGs). (/EIM) (BANAT NEWS)