Soco misaad tabang ipabuhagay

CEBU, Philippines - Giduaw kagahapon ni  magpapatigayon Glenn Soco ang dakbayan sa Danao diin  usa  sa iyang  gisaad  sa  mga  estudyante  mao  ang  scholarship  gawas  sa  pangimpleyo  ug  abag  sa negosyo sa  mga  molupyo  sa maong dakbayan.

Una  niyang  giduaw  ang taga barangay  Catadman  agi  og  tubag  sa pagdapit  kaniya  sa  mga    opisyales sa Catadman San Roque Chapel Association.

Gipasalamatan  niya  ang  taga  Danao  kay sa  miaging  eleksyon ang Danawanon  mihatag  kaniya  og  botos  nga  labaw  og  10,000 sa iyang  kaatbang  nga kandidato  pagka-bise  mayor kaniadto.

Iyang  gisaad  sa mga molupyo  sa maong  dakbayan  nga  may  mga  programa  siyang  giandam  alang  sa panarbaho,  ginagmay nga mga negosyo, sports ug scholarship alang sa mga  kabatan-onan ug usab pagbutang og Provincial College alang sa mga kabus nga mga tinun-an,  mga programa alang sa mga kababayen-an, mga driver, mga mag-uuma ug uban pa.

Alang  sa  mga  senior  citizen ug  mga  PWD  gusto  si Soco  nga iya  kining  librehon  sa plitehan  sa  mga  sakyanang  pasaheroan  samtang  ang  taga Danao  ug tanang  lugar  sa lalawigan hatagan  niya  og  diskuwento  sa  ilang mga plitehan

Giduaw usab  niya  ang mga  barangay  Tabok  ug  Cabungajan sa maong  dakbayan ug gipahibawo  niya  ang  tanang  mga  molupyo  sa maong  mga  dapit  ang bahin  sa iyang  kandidatora sa pagka-bise  gobernador  ubos  sa partido  nga  Pwersa ng Masang Pilipino (PMP) karong  piniliay  sa Mayo  ning  tuiga. (BANAT NEWS)