Bag-ong bldg. sa sub-station sa Toledo police gisubhan

CEBU, Philippines - Ang kapolisan sa dakbayan sa Toledo   may bag-ong sub-station  sa barangay Don Andres Soriano (DAS) nga  gidonar  sa Carmen Copper Corp.

Si Superintendent Henry Biñas, hepe sa Toledo City Police Station  nagpasalamat  sa tagdumala  sa Carmen Copper paghatag og bag-ong sub-station  nga  may  duha ka andana nga kompleto  og  mga  kahimaman  gikan  sa opisina, kusina,  pansayan  ug detention cell   ug  pormal  nga gitunol   ngadto  sa  PNP sa Toledo   niadtong  Huwebes.  

Sa laing bahin, gibutyag  usab  ni Biñas nga ang kagamhanan sa dakbayan mogahin og P5 milyones alang  sa bag-ong building sa police station sa Toledo.

Bahin sa ilegal nga drugas, mikabat  sa 25  ka  tawo  nga  nalambigit  sa kaso  ang  ilang  nasikop  ug  napasakaan  og  kaso  sa   tuig sa 2012

Samtang sa ilegal nga sugal nga naglabi  ang masiao,  kapin  usab  sa 40 ka tawo ang ilang nasikop ug napasakaan usab og kaso, matud pa  ni  Biñas. (BANAT NEWS)