‘Kotong cops’ hayan mataktak sa serbisyo
CEBU, Philippines - Mahibaw-an sulod sa 60-adlaw ang mamahimo unyang kinaubsang silot nga ipahamtang sa walo ka pulis nga sakop sa Mobile Patrol Group kinsa nakuhaan og video footage nga nangilkil sa usa ka peryahan sa Barangay Busay.
Si Police Regional Office 7 director Marcelo Garbo, Jr. miingon nga ang minimum nga silot sa maong mga polis mao ang pagka-suspenso ug ang labing bug-at mao ang pagkatangtang gikan sa serbisyo.
Gitahasan ni Garbo si Supt. Audie Villacin, ang hepe sa PRO 7 Regional Investigation and Detective Management Division, sa pagpahigayon sa pre-charge evaluation ug mopagawas og desisyon human sa 60 ka adlaw.
Gimandoan usab ni Garbo si Cebu City Police Office officer-in charge Senior Supt. Mariano Natu-el Jr. diin masakop ang walo ka mga polis sa pagtabang sa RID sa pag-imbestigar sa maong kaso.
“I gave the directive na dapat lumabas ang resulta ng investigation within 60 days. We will not allow that these people will not be punished,†matud pang Garbo kinsa mipasalig nga mo-agi sa due process ang maong mga polis.
Nanawagan karon si Garbo sa tawong nihatag sa kopya sa video nga kung duna pa kini laing video nga mas makapalig-on pa sa kaso mas maayong hatagan nila og kopya ang kapolisan.
“I urged the guy who has the copy of the video, kung may additional video pa siya that would provide us more evidence to pin down the said police officers, the better,†dugang pang Garbo.
Si Garbo niingon na ugaling makalusot ang maong mga pulis sa legalities sa maong kaso, duna siya’y administrative powers aron sila masilutan. Gikatakdang ilabay ngadto sa Siquijor ang maong mga polis. (BANAT NEWS)
- Latest
