Sinulog tickets hurot-hurot na

 CEBU, Philippines - Hurot- hurot na ang mga Sinulog tickets nga gipamaligya diha sa Cebu City Sports Center alang niadtong buot motan-aw sa Sinulog Grand Parade karung petsa 20 ning bulana.

Gibutyag ni Sinulog Foundation executive director Ricky Ballesteros dihang nahinabi sa Banat News nga kagahapon nahurot na ang mga Sinulog tickets nga nagkantidad og P700. Gamay nalang usab ang tag P600  nga tickets ug kapin pa sa 500 ang nahabilin sa mga Sinulog tickets nga tag 500 pesos.

Gisugdan sa Sinulog Foundation ang pagpamaliya sa mga Sinulog tickets niadtong petsa 2 niining bulana ug gipaabot nga mahurot ang tanang mga tickets karung sunod semana.

Nunot niini gipahibawo ni Ballesteros kadtong gustong mopalit og tickets anha lang makapalit niini sa Sinulog Foundation office.

Giklaro ni Ballesteros nga ang mga Sinulog tickets nga gipamaligya gawas sa Sinulog Foundation Office mga fake ug dili kini dawaton. (/EIM)  (BANAT NEWS)