Mayor de mayores sa CCJ gihulipan tungod sa kagubot
CEBU, Philippines - Gihulipan na ang mayor de mayores sa Cebu City Jail human sa nahitabong pagpanunggab sulod sa maong bilanggoan niadtong milabay’ng Domingo nga miresulta sa pagkaangol sa duha ka mga bilanggo.
Sumala pa ni Jail Warden Johnson Calub ang mihulip kang Ariel “Bobong†Degamo mao ang 23-anyos nga si Jaylloyd Yares. Si Degamo gibuwag na og selda human kini nanunggab nila ni Alinor “Brix†Andingan ug Michael Sansan human maglalis si Degamo ug Andingan diha sa visiting area.
“Naa man gud kuno’y plano nga mobalos ang pikas so gibutang lang una namo siya sa laing selda,†matud pang Calub kansang buhatan nagpadayon pa sa ilang imbestigasyon kabahin sa hitabo ug nangita pa sa hinagiban nga gigamit sa krimen.
Matud pa ni Calub nga ang nahitabo tali sa duha personal nga panagbangi ug gihimakak ang nanggawas nga report nga kabahin kini sa mahitabong ‘jailbreak’ sa bilanggoan nunot sa pagkasuspenso ni Cebu Gov. Gwendolyn Garcia.
Andam usab nilang tabangan ang pamilya sa mga biktima nga mosang-at og kaso batok kang Degamo. (Ria Mae Booc sa The Freeman/EIM) (BANAT NEWS)
- Latest
