PRO-7 di mosunod sa kamandoan nga wala na sa ilang responsibilidad
CEBU, Philippines - Ang director sa Police Regional Office-7 Marcelo Garbo Jr. mobalibad gyud sa bisan unsang kamandoan sa kagamhanan kung kini wala na maapil sa ilang responsibilidad nga mao ang pagpatuman og kahapsay ug kalinaw sa Kapitolyo. Si Garbo mibutyag nga kung unsa man gani ang problema sa Kapitolyo nga walay labot ang kapulisan diskarte na kini ni acting governor Agnes Magpale.
Kini human mihukom si Magpale sa pagputol sa tubig ug kuryente sa opisina ni suspended governor Gwendolyn Garcia isip paagi aron sa pagpagawas niini sulod sa Kapitolyo.
“That is not our responsibility ang pag-cut nang electricity and water, hindi na amin ‘yun,†matud ni Garbo.
Si Garbo miangkon nga gikuhaan na niya og detail police personnel ang Kapitolyo gikan sa 50 ngadto sa gibana-bana nga 30 na lang.
“We are now entering a new chapter for this year and we are to focus on the upcoming elections however, everyday we assess the situation and give reports to Magpale,†butyag ni Garbo.
Si Garbo midugang nga ang Central Command ug ang PNP naghimo na karon og Joint Task Force nga maoy mo-focus sa preparasyon sa eleksyon ug ang problema sa Kapitolyo wala nalakip sa mga gikasabutan. (/EIM) (BANAT NEWS)
- Latest
