PBSP mipatukod og eskuylahan sa Olango

CEBU, Philippines - Hingpit na nga gitugyan ngadto sa kagamhanan sa dakbayan sa Lapulapu sa kadagkoan sa Philippine Business for Social Progress (PBSP) ang duha ka bag-ong lawak saringan nga ilang gitukod sa Caw-oy Elementeray School sa barangay Caw-oy sa isla sa Olango, dakbayan sa Lapulapu nga nagsilbing talagsaong pinaskohan sa mga tinun-an sa maong tulunghaan.

Si Jose Aboitiz nga maoy chairman sa Visayas Executive Committee sa PBSP mao usab ang nagngulo sa  turnover ceremony pinaagi sa pagtunol sa yawe ngadto  sa  mga piyado  sa eskuylahan

Ang  pagtunol  say awe  maoy    pagmatuod nga ang kagamhanan  local  na  sa maong  lugar  maoy  hingpit   nga manag-iya sa  duha ka bag-ong lawak saringan  nga ilang gitukod sa nahisgotang isla.

Ang tinun-an sa maong tulunghaan nga si Marites Tradio, 14 anyos nga nahinabi sa Banat News  mibutyag    sa iyang  kahinangop sanglit dako  kaayo  kini og ikatabang nilang mga kabataan nga nagtungha sa maong  lugar.

Ang  midawat  sa  maong proyekto sa PBSP   mao  si Mayor Paz Radaza   uban  usab  sa  mga  sakop sa konseho, mga opisyal sa barangay  ug mga magtutudlo sa Department of Education (DepEd) nga nadestino sa maong tulunghaan.

Human dawata ni Mayor Radaza   ang  duha ka bag-ong school building  ,gitunol  usab ang yawe  ngadto  kang Dr. Eduardo Ompad .

Sa nasayran nga ang barangay Caw-oy sa Isla sa Olango maoy usa sa 11 ka barangay sa nahisgotang isla nga nag-atubang  og dakong suliran  bahin  sa kakuwang  sa  mga lawak saringan  sa dugay na nga katuigan. - /WC (BANAT NEWS)