Sinulog nasakop na sa Comelec gun ban

CEBU, Philippines - Ang Sinulog 2013 saulogon sa ikatulong Dominggo sa Enero kansang panahon   nahisakop na ubos sa  balaod nga may  labot   sa Comelec ‘gun ban’ sumala  ni Sr. Supt. Louie Oppus, Police Regional Office (PRO)-7 Director for Operations.

Kini  tungod  kay  matud pa  ni Oppus nga sa Enero 13 pa lang sugdan  na  sa pagpatuman   ang election gun ban hangtud sa  Hunyo 17   busa mahisakop na  niini   ang mga petsa nga may labot  sa kasa-ulogan sa Sinulog.

Dugang pa ni Oppus nga ang mga unipormadong polis nga mo-duty  ug kadtong anaa sa lista nga ginganlan sa Comelec Resolution 956, mao lamang ang gitogutan nga makadala ug pusil sa maong panahon.

Si Oppus mipahibalo nga suspensohon ang mga lisensiya sa mga magdala og pusil gawas sa ilang panimalay ug  usab niadtong walay pagtugot sa Commission on Election (COMELEC).

Gibutyag ni Oppus nga ang mga membro lang sa Presidential Security Group (PSG) ang gitugotan  nga makatangkil sa ilang mga   armas. -/WC (BANAT NEWS)