Kasaysayan Enero 1
Mga Hapon mitahan
1946 - Karong petsaha nabasahan sa lokal nga pamantalaan sa mga nahibiling mga sundalong Hapon nga nagtago pa gihapon sa kabukiran sa Corregidor nga natapos na ang giyera. Tungod niini mitahan sila sa mga Amerikano.
Taiwan
1912 - Gitukod ang Republic of China ( Taiwan ) human sa Xinhai Revolution o Chinese Revolution niadtong 1911.
Tsunami sa Indian Ocean
2005 - Usa ka semana human sa pag-igo sa tsunami sa southern Asia, nakompirmar karong petsaha nga ang nakalas miabot sa 120,000 ka tawo. Sa Indonesia pa lang miabot og 80,000 ang nakalas, 28,500 sa Sri Lanka, 8,000 sa India ug mga silingang nasud nga miabot tanan og 4,000 ka mga nakalas. Tungod sa kadaghan pa sa na-missing gihunong na lang ang pagpangita ug pag-ihap kanila sa nasud sa Indonesia.
No-Smoking
1971 - Gi-ban sa America ilabi na sa New Year ang advertisements sa mga sigarilyo sa television ug radyo tungod sa dautang epekto niini sa panglawas. Sa samang petsa Enero Uno gihapon niadtong tuig 1998, gidili na sa California ang pagpanigarilyo sulod sa mga bars ug imnanan. Enero uno tuig 2008, dihang gipatuman sa nasud sa France ang Anti-Smoking laws nga nagdili pagpanigarilyo sa mga cafes, bars ug restaurants.
- Latest
