Grupo sa taga Manila misuporta ni Gwen

CEBU, Philippines - Ang Volunteers Against Crime and Corruption misuporta kang suspendidong gobernador  Gwendolyn  Garcia.

Ang  maong  pundok  gipangunahan  sa ilang Founding chairman ug presidente niini nga si Dante Jimenez.

Sigun  pa  ni Jimenez  nga  andam  sila  nga  mopaluyo  kang Garcia  sa lakang  niini  pagsukol  batok  sa   pagpanghasi  nga politikanhon kaniya. 

Suma pa ni Jimenez nga nasubo ug nakurat usab sila human  masayri nga gipasuspenso sa Malacanang ang gobernador sulod sa unom ka bulan base sa usa ka huyang nga reklamo sa namatay na  nga  kanhi  bise gobernador.

Dugang pa ni Jimenez nga angayan gyud nga suportahan sa mga Sugbuanon ang gobernador ug ang gihimo sa Malacanang sa gobernador gikinahanglan nga timan-an ug basehan sa umaabut nga election sunod tuig.( /WC) (BANAT NEWS)