Pagpangrakrak usa lang ka drama -Garbo
CEBU, Philippines - Natusaktusak sa bala ang usa ka establishmento human kini girapido sa duha ka tawo nga nagmotorsiklo sa Brgy. Centro dakbayan sa Mandaue kagahapon sa kaadlawon.
Ang girapido mao ang Black Panda Travel Agency nga gipanag-iya ni Tonyson Lee, usa sa mga gikasuhan sa Police Regional Office-7 og direct assault tungod sa giingong pagpanapog sa opisyal sa kapolisan atol sa kaguliyang sa Kapitolyo tungod sa pagsuspenso kang gobernador Gwendolyn Garcia.
Si Lee higala sa anak sa gisuspensong gobernador nga si Paulo Garcia kinsa giapil sa gikasuhan uban ni Joey Cal.
Nakakuha og 16 ka basiyo sa bala sa .9mm ang kapolisan sa maong dapit. Apan ang hepe sa Police Regional Office 7 nga si Chief Supt. Marcelo Gabro, Jr. nagduda nga drama lamang ang nahitabong pagpangrakrak. “Considering the behavior and attitude of these three guys, maaari ring it could just be a drama orchestrated by them,” matud pang Garbo. Si Lee ug Paolo, ug si Cal, ang gikiha sa PRO 7 tungod sa pagdapog kang Insp. Alvin Enguito sa niaging semana.
Si Garbo ang nagduda nga posible gyud nga may relasyon ang maong panghitabo sa kasong ilang gipasaka kang Lee, Paolo ug Cal. “We will investigate. We’re not here to make a guessing game. We will deal with this based on evidence,” matud pang Garbo.
Ang maong “pagpangrakrak” posibleng mohatag og ideya sa publiko nga pulis maoy mihimo niini.
“Why always blame it to the police. Marami na talagang estorya ngayon na kasali ang pulis. Ke maganda o masama. Kawawa nga ang pulis laging nasa forefront,” matud pang Garbo.
Si Garbo niingon usab nga ilang gilihok karon nga makansela ang firearms license ni Paolo, Lee, ug Cal nga giingong nagbitbit og armas sa Kapitolyo. (BANAT NEWS)
- Latest
