Garcia padayong nagpaabot sa TRO gikan sa CA
CEBU, Philippines - Gipaabot ni Gov. Gwendolyn Garcia nga moisyu karong adlawa og temporary restraining order ang Court of Appeals batok sa suspension order nga gipagawas sa Malacañang batok kaniya.
Ang TRO mao ray bugtong legal nga paagi aron mapawalay bili sa suspension nga gipahamtang sa Malacañang ngadto kang Garcia base sa reklamo sa mitaliwang bise gobernador Gregorio Sanchez nga grave abuse of authority.
Sumala pa ni Garcia nga dili makatarunganon ang gihimo sa Malacañang batok niya. Bisan ang mga kaalyado sa politika sa gobernador mihulagway nga pagpang-harass ang gihimo sa Malacañang.
Si Atty. Christina Garcia Frasco, anak ug usa sa mga abogado sa gobernador mipadayag nga masaligon sa mga hukom sa Court of Appeals nga mopagawas og dinaliang aksyon sa ilang gidusong TRO.
Si Frasco miingon nga way merito ang kaso. Apan kun dili mogawas ang TRO karong adlawa, ilaha gihapon kining paabuton bisan sa sunod tuig. (/EIM) (BANAT NEWS)
- Latest
