PNoy gihagit Abellanosa ipagukod sab

CEBU, Philippines -  Gihagit  ni manlalaban Aristotle Batuhan ang    kasamtangang  administrasyon    nga  kun  seryoso  kini  sa  pagpatuman  sa balaod  batok  kang Gobernador  Gwendolyn Garcia  kinanahanglang  seryoso  usab  kini  paggukod  kang Konsehal Rodrigo “Bebot” Abellanosa sa  dakbayan  sa Sugbo.

Matud  pa  ni  Batuhan  nga  anhi  ipakita  sa  administrasyon  ni  Presidente  Aquino  nga  ang  programa  niya  bahin  sa “daang  matuwid”  nga  tinud-anay  gyud ug way  pinalabi.

Gipasabot  niya  nga  kun  tiaw-tiawan  ang  maong  kampanya  ug  luagan  sa paggukod  ang  mga  opisyal  sa kagamhanan  nga  may  mga  kuwestiyonabli  nga  binuhatan, ang matuwid  na daan   mahimong  hiwi  nga  daan.

Matud  pa  ni Batuhan  nga  sayon  ra  sa administrasyon  ang  paggukod  sa dili nila  kauban  sa partido  sama  kang  gobernador  Garcia  nga dili kauban  sa partido sa administrasyon, apan  dili  usab mahimo  nga dili nila  gukdon  ang  kauban  nila  sa partido  nga  may  kuwestiyonabli  ang  mga  lihok  sama  kang  Abellanosa.    

Si  Batuhan    nagkanayon  nga  dili  niya  palabyon  ang  hagit  ni Abellanosa  kaniya  nga   pakihaon siya  bisan  asang  korteha .

Matud  pa  ni  Batuhan  nga  gipangunayan  niya karon  ang  pagtuon  niining  mga dokumento  bahin  sa scholarship  program sa kagamhanan  sa dakbayan  ug  mibahad nga  mopasaka  siya  og    dugang  pang  mga  kaso  karong  umaabot  nga tuig.

Ang maong  mga kaso  batok  kang  Abellanosa, matud  pa  ni  Batuhan  adto  niya  ipasaka  sa Office  of  the  President, Commission  on Audit, Bureau of Internal Revenue  ug taxpayer’s class suit.

Si Batuhan  kinsa  kandidato  sa pagka-kongresista  sa south district  sa dakbayan  sa Sugbo mihagit  kang Abellanosa  nga tubagon  kining  maong  mga  kaso  nga  iyang  ipasaka, may  bulok  man  sa politika  o  wala. (BANAT NEWS)