12-anyos gilugos sa gikainom

CEBU, Philippines - Usa ka 12-anyos nga dalagita ang mireklamong gilugos sa lalaking nakauban nila sa pag-inom og ilimnong makahubog diha sa barangay Camputhaw dakbayan sa Sugbo.          

Ang barangay Peacekeeping team sa nahisgutang barangay maoy nakaresponde sa diha nga ang 12-anyos nagpakitabang kanila ug misikop sa 20-anyos nga suspek nga maoy gitumbok sa biktima nga milugos kaniya. Matud pa sa biktima sa miaging adlaw gihagad siya og inom sa suspetsado nga mag-inom silang duha ug dihang nangahubog na sila gikatahong gipakuyog siya sa suspetsado paingon sa panimalay niini.

Didto pugsanon siyang gilugos sa suspek nga mibaat sa iyang baba ug gihulgang bunalan og botelya kung mosinggit.            Ang suspek wala mohimakak nga iyang nahilabtan ang bata apan miinsister kining dili lugos ang nahitabo kay misugot ang biktima sa nahitabo nila ug mismo ang ilang mga barkada nasayod niini.

 Ang suspek ug ingon man mga kabarkada niining nasayod sa maong krimen apan wala’y gihimo posibleng mapasakaan og managlahing kaso human unya sa imbestigasyon sa maong kaso. (EIM) (BANAT NEWS)