Proyektong Kapit Bisig sa DSWD gipalapdan

CEBU, Philippines - Ang Department of Social Welfare and Development (DSWD)7 bag-ohay lang mipahigayon sa ilang Photo Exhibit and Awarding Ceremonies didto  sa syudad sa Dumaguete, Negros Oriental isip kabahin  sa programa  nga Kalahi-CIDSS o Kapit-Bisig Laban sa Kahirapan  nga gipatuman  sa tibuok  rehiyon 7. Matud pa ni Simeon A. Remata III, Regional Social Marketing Officer sa DSWD7 nga  ang  maong  bangga  gisalmotan  sa  mga photographer   sa  nagkalainlaing    probinsya  sa  rehiyon 7.

Ang tumong   sa maong  bangga  sa pagkuha  og  hulagway    mao  ang  pagdasig  sa  mga  maniniyot  pagkuha  og  hulagway  sa  mga butang  nga mosakar  sa tema  sa bangga.

Gisalmotan  ang  maong  bangga  sa  mga  maninIyot  sa Bohol, Negros Oriental, Cebu ug Siquijor.

Miingon  si Remata  nga wala  himoa  sa DSWD  nga estrikto  ang  paagi  sa pagkuha  og  hulagway  kay mahimo  ra man  nga cellphone  ang  camera  nga gamiton  basta  limpyo  ug tin-aw lang  ang  kuha  sa retrato  uban  usab  ang  maayong  anggulo  sa pagkuha  niini.

Sa Central Visayas, ang Kalahi-CIDSS nagsilbi  sa 14 ka   mga lungsod  sa Bohol  ngadto  sa kaping   80,000 ka mga kabos nga pamilya   sa tibuok  sa rehiyon 7. (Liezl Mabini Frasno /WC) (BANAT NEWS)