Lalaki sa Naga gipusil patay

CEBU, Philippines -  Maayong pagkabuslot sa ulo sa usa ka lalaki human kini gipusil pasado alas -8 sa miaging gabii diha sa barangay Cabungahan syudad sa Naga.

Ang biktima nailhan nga Joel Mangubat, 32, molupyo sa maong lugar diin nakaangkon kini og samad pinusilan sa iyang ulo.

Sa pasiunang imbestigasyon sa kapolisan nasayran nga ang biktima patubang na unta nga muoli sa ilang panimalay sakay sa iyang motorsiklo nga adunay sakay nga laing tulo.

Apan sa diha nga naabot kini sa maong lugar gikatahong adunay duha ka lalaki nga sakay sa usa ka motorsiklo ang mitapad sa biktima ug  gikatahong gipusil ang biktima.

Sa diha nga naigo ang biktima maayong pagkalimbuwad sa motorsiklong gisakyan sa biktima ug nangapangos usab ang tulo ka mga kauban niining nag-angkas sa motor.

Ang biktima daling gidala sa Minglanilla District Hospital apan gideklarar kini nga dead on arrival samtang ang mamumuno dali usab nga misibat human sa maong panghitabo.

Ang kapolisan misubay pa karun kun si kinsa ang duha ka mamumuno ug unsa ang motibo niini sa pagpamusil. (EIM) (BANAT NEWS)