CEBU, Philippines - Nasalbar gikan sa kakuyaw sa dagat ang mga opisyal sa barangay nga taga Bohol ug mga kaubanan niini dihang nabangalan sila sa mga rescuer sa dakbayan sa Lapulapu didto sa kadagatan sa barangay Sabang, sa isla sa Olango niadtong Martes sa hapon.
Ang mga na-rescue mao sila si Kapitan Julian Rañin, 57, sa barangay San Isidro, Ubay, Bohol; konsehal sa maong barangay Rodolfo Catamora, ug mga kaubanan nga sila si Alejandrio Merales, 36; Antonio Merales, 52, Jose Vincent, 19, Grace Villa, 22’; Carl Plaza, 8; pulos taga Ubay, Bohol.
Sumala sa taho sa mga sakop sa City Disaster Risk Reduction and Management Council (CDRRMC) nga ang maong grupo nagsakay og pumpboat pauli na unta ngadto sa Ubay, gikang mitambong sa lubong sa ig-agaw ni Kapt. Rañin sa Lapulapu niadtong Lunes.
Apan matud pa nakasugat kini og dagkong bawod sa kadagatan sa isla sa Olango diin sila moagi paingon unta ngadto sa Ubay. (BANAT NEWS)