Gibalhing mangasal og baboy sa Mandaue daghan og reklamo

CEBU, Philippines - Mireklamo si Mantuyong Barangay Kapitan Antonino “Tony” Maquilan sa wala pa gyud mahingpit nga pagpahunong sa pagpangihaw sa karaang ihawan sa sitio Asinan. Dugang pa niya nga ang mokabat sa 30 ka mga negosyante og asalon nga baboy ang namalhin na sa barangay Labogon sa maong dakbayan nunot sa kamandoan sa siyudad.

Apan namatikdan niyang  duna gihapoy nagmagahi pagsunod sa kamandoan sa siyudad nga pabiling nagbaton og tangkal ug ilegal nga nangihaw diha sa maong dapit.

Matud pa sa kapitan ang maong ilegal nga operasyon nakaapekto na hinuon sa mga nagnegosyo niini diha sa barangay Labogon.

Ang lain niyang reklamo nga dili tanang giasal nga baboy ang tinud-anay nga giinspeksyon sa  city veterinarian sa dakbayan. Matud pa niyang dunay mga baboy nga gipalusot nga wala mag-agi og inspeksyon nga gikan sa barangay Umapad. Samtang gikasagmuyo usab nila ang sistema sa gibalhinan nilang aslanan og baboy sa Labogon kay but-an sila kun kanus-a ra sila mahimong mag-asal.

Ug kung dili sila motuman pagngan sila sa tubig hinungdan nga dili sila makapanglimpiyo sa aslonon nilang baboy.( /EIM) (BANAT NEWS)