Mga prosecutor molusad og fun run

CEBU, Philippines - Sa tumong nga makabaton  og  pundo alang  sa ilang  panginahanglang medical, ang Prosecutors' League of the Philippines (PLP) mopahigayon og usa ka fun run uban  sa tema  nga  "Run for Justice, Visayas Leg".

Kini gitakdang ipahigayon karong umaabot nga Disyembre 9, ning tuiga nga magsugod sa nataran sa Kapitolyo paingon  ngadto  sa Talamban nga moagi  sa JY Square ug Salinas Drive, sa barangay  Lahug.

Sumala pa ni Liceria S. Lofranco -Rabillas, Vice President for Visayas nga adunay tulo ka kategorya kining maong pagpanagan nga   mao ang 16k, 6k ug 3k.

Dugang pa niya nga ang rehistrasyon sa matag  usa  nga  mosalmot sa maong fun run  P450 alang sa 16k ug aduna kini singlet, race bib, baller ug finisher medal, P350 alang sa 6k nga may  singlet  gihapon, race bib ug baller, samtang P250 usab  alang sa 3k aduna gihapoy singlet, race bib ug baller.

Alang sa dugang  kasayoran matawag ang buhatan sa PLP sa mga numero  nga 256-2191 ug pangitaon lamang si Ann o ba kaha pinaagi sa cell phone number 09232289743 ug pangitaon lamang si Hazel. (Liezl Mabini Frasno-correspondent/WC) (BANAT NEWS)