Libreng sakay gikan SRP paggawas
CEBU, Philippines - Gipahibalo sa regional director sa Land Transportation and Franchising Regulatory Board nga dili tanang minibus ug bus patubang sa South Road Properties karung adlawa libre. Giklaro ni LTFRB-7 Ahmed Cuizon nga ang mga minibuses ug bus nga patubang sa habagatang bahin gikan sa Plaza Independencia patubang sa Talisay city hall libre.
Apan ang mga anaa sa gawas nga bahin nga sakyanan nga mohakot sa mga pasahero inig human sa misa ilabi na diha atubangan sa BIR unahan sa CIT ug luyo sa CTU sa dalan N. Bacalso nga padung sa North Bus Terminal aduna kini bayad nga tag 10 pesos apan ang anaa sa atbang sa BIR nga padung sa South mogamit sa ilang regular fare rates.
Ang mga anaa usab atbang sa Rhine nga patubang sa SM ug North Bus Terminal aduna usab kini bayad nga 8 pesos. Alas-12 ganinang kaadlawon gisirad-an na ang mga dalan padulong sa South Road properties kini isip preparasyon sa karung kalihukan nga mao ang Thanksgiving Mass ni San Pedro Calungsod. (/EIM) (BANAT NEWS)
- Latest
