Seguridad sa pantalan mas pahugtan
CEBU, Philippines - Nunot sa nahitabong paglusot sa usa ka bomba nga iya sa Central Command sa usa ka fastcraft nga padulong sa Bohol niadtong Nobiyembre uno ning tuiga dunay kausaban sa seguridad nga himuon ang Port Police sa siyudad sa Sugbo.
Si Port Police Chief of Operation Joshua Pantoja, mibutyag nga ila nang gitun-an kun giunsa pagsulod ang C4 Explosives ngadto na sa fastcraft.
Apan sa ilang inisyal nga imbestigasyon posibling naggikan sa Tubigon Bohol ang maong C4 Explosives kini tungod usab kay aduna may Special Forces nga nagpahigayon og training sa nahisgutang lugar.
Matod pa ni Pantoja nga posibling ilang padad-an og summon ang kadagkuan sa Star Craft ilabi na ang kapitan ug chief mate nga nakakaplag sa C4 Explosive aron pangutan-on bahin niini ug kun nganong dugay nilang gipahibalo nga duna silay nakitang susamang bagahe sa ilang barko.
Ipatawag usab ni Pantoja ang pangulo sa mga porter sa pantalan tungod kay sila apil na sa operasyon sa pagpangarga sa barko.
"Posible man nga porter ra na kay sila man ang makig-negotiate sa mga passengers unya kay plastic ra baya to so pwede rang dili sila moagi sa detector ug itunol na diretso," pasabot pa ni Pantoja.
Apan giklaro usab ni Pantoja nga mga posibilidad lang kini nga angayan pa usab nga tun-an ug palawman. (BANAT NEWS)
- Latest
