Sa kasaysakayn karon Nobiyembre 20

Insulin

1892—Natawo ang usa sa tulo ka mga biochemist nga miimbento sa makaluwas-kinabuhing insulin alang niadtong mga dunay sakit nga diabetes. Si James Bertram Collip nga usa ka Canadian biochemist nga gipanganak karong adlawa sa tuig 1892 uban nila ni Frederick Banting ug Charles Best  nakakita og paagi unsaon pagbuwag ug pag-purify sa insulin. Si Collip nakakuha og insulin gikan sa bovine pancreas nga karon usa na sa tinubdan sa tambal nga insulin sa mga diabetics.

Heart transplant

 1985—Usa ka malampusong heart transplant ang nahitabo niining adlawa diin ang pasyente mao si Eddie Anguiano nga naila kaniadto sa pangalang Baby Moses. Ang nangulo sa operasyon mao si Dr. Leonard Lee Bailey sa Loma Linda University Medical Center.  Si Eddie natawong adunay hypoplastic left heart syndrome ug gitagalan lang og pipila ka adlaw nga mabuhi, swerteng dunay usa ka masuso nga gipanganak nga brain dead ug gamit ang kasingkasing niini gibalhin kini kang Baby Moses ug nabuhi. Sa ikanapulo ka tuig nga birthday ni Moses duna nay 300 ka mga batang nag-agi og susamang operasyon. Si Moses o Eddie nag-edad og 21 anyos niadtong 2006.