Sa Thanksgiving Mass lapad nga rerouting ipatuman

CEBU, Philippines - Adunay halapad nga traffic rerouting nga ipatuman ang City Traffic Office Management atol sa pagsugod sa National Thanksgiving Mass karong Nobiyembre 30 dinhi sa Siyudad sa Sugbu ilabi na sa downtown area nga duol sa mga lutsanan padulong sa South Road Properties.

Sa gipadalang pahibalo ni Joy Tumulak sa CITOM dinhi sa Banat News apektado gyud sa maong rerouting ang sagad sa kadalanan sa downtown area ug coastal roads sa siyudad sa Sugbo.

Ang mga sakyanan gikan sa Norte paingon sa South  anha mosubay sa dalan Serging Osmeña Ave. , liko sa tuo sa T. Padilla St. ug sa Gen. Maxilom Ave. paingon sa Fuente Rotunda subay sa B. Rodrigez St., liko sa tuo sa dalan V. Rama Ave. unya liko sa wala sa may Happy Valley St. , unya liko sa wala sa Duterte St. unya liko sa tuo sa Katipunan St. dayon paingon sa destinasyon.

Ang mga jeep de-pasaheroan gikan sa North Reclamation Area moagi sa T.Padilla St. liko sa wala paingon sa M. J. Cuenco Ave. liko sa tuo sa Bonifacio St. dayon liko sa wala paingon sa Sancianko St.o Colon St. paingon sa destinasyon.

Ang jeep de-pasaheroan paingon sa Reclamation Area Route # 08F, 12G, 12I ug 12J adto moagi sa Colon St. dayon liko sa Mabini St. , liko sa E. Aboitiz St. , liko sa dalan M.J. Cuenco Ave. , liko sa  T. Padilla  St. , liko sa Bonifacio St. , liko na usab sa dalan Gen. Maxilom Ave. , liko sa tuo sa Andres Soriano Ave. paingon sa North Bus Terminal.

Gawas sa PUJ Route# 12G, 09J ug 12E samtang mag-subay sa Andres Soriano Ave. , liko sa Juan Luna Ave., liko sa tuo paingon sa J.C. Veyra St., padulong sa Benedicto St., liko sa tuo paingon sa T. Padilla St. , liko sa wala sa dalan M.J. Cuenco Ave., liko paingon sa Bonifacio St., ug moliko sa Sanciangko St., paingon sa naandang rota.

Ang jeep de-pasaheroan nga adunay route # 22D, 21D, 21A ug 22A mosubay sa dalan M.J. Cuenco Ave. liko sa Juan Luna Ave. , liko sa dalan A. Soriano Ave. , liko paingon sa Gen. Maxilom Ave. ,liko sa dalan D. Gaisano St., liko sa T. Padilla St., liko sa tuo paingon sa M.J. Cuenco Ave., lahos sa naandang rota.

Ang mga jeep de-pasaheroan nga route# 01B, 01C ug 02B paingon sa pier samtang magsubay sa T. Padilla St. moliko kini paingon sa Bonifacio St., liko sa may 13th Ave. (padulong sa Blessed Sacrament), liko sa dalan D. Gaisano St., dayon liko paingon sa Gen. Maxilom Ave., liko sa Bonifacio St., liko sa T. Padilla St. paingon sa naandang rota.

Samtang ang tanang sakyanan nga adunay mahinungdanong katuyoan dapit sa pier 3, 2, 1 ug port area adto ra mahimong moagi sa dalan T. Padilla Ext. lahus ngadto sa lugar nga ilang adtuan.

Ang mga trucks, vans, trailers ug ubang mga sakyanan gikan sa South paingon sa North Area mosubay sa dalan N. Bacalso Ave. paingon sa P. Del Rosario St. lahos sa New Road dayon paingon sa Reclamation Area.

Ang mga trucks, vans, trailers ug ubang mga sakyanan gikan sa North Reclamation Area paingon sa South gipahimangnoan nga adto moagi sa North Road paingon sa M.J. Cuenco Ave. lahos sa dalan N. Bacalso Ave. paingon sa destinasyon.

Ang mga sakyanan nga gikan sa Tabunok, Talisay, Minglanilla, Naga, San Fernando ug Carcar nga molahos sa North Reclamation Area gipahimangnoan usab nga adto moagi sa dalan N. Bacalso Ave., liko sa dalan F. Llamas St. aron malikayan ang grabeng pagdasok sa mga sakyanan dapit sa Mambaling Fly Over lahos sa destinasyon.

Ang tanang motorista, driver ug ubang mogamit sa dalan gipahimangnoan nga mosunod sa lagda sa trapiko, mga trapik sign boards nga ipamutang diha sa  kadalanan  o lugar nga adunay re-routing.(BANAT NEWS)