Batasan bombing

CEBU, Philippines - 2007—Unom ka mga tawo ang namatay human usa ka bomba nga giingong gibutang sa usa ka motorsiklo ang miulbo sa Batasang Pambansa Complex sa Quezon City. Usa sa unom nga nakalas mao si Basilan Rep. Wahab Akbar kinsa naila nga kontra sa mga teroristang Abu Sayyaf Gang. Apan migawas sa imbestigasyon nga may bulok politika ang maong pagpamomba nga miresulta sa pagkasikop sa usa sa mga prominenteng tawo sa Basilan nga si Basilan Rep. Gerry Salappudin. Gawas kang Akbar nangaangol usab ang ubang kongresista sa maong pagpangatake.

Willy’s Jeeps

1940—Karong petsaha gipaila sa usa ka kompanya sa Estados Unidos ang popular na karon kaayong “Hari ng Kalsada” nga jeepneys. Ang kompanyang Willys-Overland mipakita sa ilang unang jeep nga four-by-four ug gisumitir kini aron aprobahan sa US Army. Kini walay atop, adunay butangan sa mga armas ug mahipos ang windshield aron sayon sa pagkarga ug diskarga sa mga barko. Dihang miulbo ang Ikaduhang Kalibutanong Gubat gimando sa US ang paghimo og daghang Willy’s Jeeps aron magamit sa giyera. Sa pagtapos sa gubat niadtong 1945 adunay 600,000 ka mga Willy’s Jeeps ang nahimo, pipila niini dinhi gidala sa Pilipinas ug maoy gihimong sumbanan sa popular nga mga “Lawin”, “Chariot”, “Pasahero” ug uban pang brands nga nakapahimong popular sa Pilipinas.

Cylone mipatay og 500 mil

1970—Gilatos sa usa ka 100MPH(miles per hour) nga tropical cyclone ang Ganges Delta sa Bangladesh ug mikalas og 500,000 ka tawo. Ang maong bagyo mimugna og tidal wave ug storm surges sa mga lugar sa Ganges Delta nga gipuy-an sa kinabag-ang Bangladeshis ug kini giisip nga labing grabeng natural nga kalamidad sa ika-20 siglo. Wala didto matapos ang problema sa maong lugar sanglit usa kini karon sa labing naapektahan sa Global Warming ug hinayhinay nga kaunlod sa tubig ang pipila ka isla ug kayutaan sa maong lugar matag tuig. (BANAT NEWS)