Gwen mi-inspection sa karsada sa Liloan

CEBU, Philippines - Personal  nga  gi-inspection ni Governor  Gwendolyn  Garcia  ug  mga  kaubang  kandidato  sa One Cebu Party ang karsada  sa barangay Catarman, lungsod  sa Liloan  sa miaging adlaw.

Ang maong  karsada  nga gigastohan og P12 milyones kapin may  gitas-on  nga duha  ug tunga  ka kilometro.

Ang maong proyekto  gidayeg  kaayo  sa mga molupyo sa maong  lungsod ilabi  na ni Mayor Duke Frasco.

Gisaad  sa gobernador  nga tanang  mga  karsada sa maong  lungsod  iyang ipasemento  alang  sa katagbawan  sa mga  molupyo niini.

Apan  dili lamang  ang  Liloan  maoy  paulanan  sa gobernador  og  mga  proyekto kundi  tanang  mga  lungsod  niining lalawigan makadawat  sa hinabang gikan sa Kapitolyo  sa way pagpinig.

Gipahayag  sa gobernador  nga gusto  niyang mabuhong  ang tanang  mga  Sugboanon  sa iyang  serbisyo  isip  gobernador ning maong  lalawigan. (/WC). (BANAT NEWS)