Nobiyembre 7

Partido Komunista

1930—Niining petsaha pormal nga natukod ang Communist Party of the Philippines (CPP) nga gi-organisa sa Tondo, Manila. Kini gitawag kaniadtong Partido Komunista ng Pilipinas (PKP) nga sa kadugayang mihinay ug subling gibuhi sa founder sa Kabataang Makabayan nga si Jose Maria Sison niadtong Disyembre 26, 1968. Kini nahimong usa ka underground political organization nga nagtamod sa idolohiya ni Mao Zedong ug milusad og giyera batok sa gobiyerno. Samtang ang PKP nga mas naila sa pangalang PKP- 1930 nagsugod sa Partido Obrero o Workers Party nga usa ka walhong organisasyon ug paksyon sa Nacionalista Party. Ang PKP unang gipangulohan ni Crisanto Evangelista apan niadtong Oktubre 26,1932 opisyal kining gi-ban sa Korte Suprema sa Pilipinas (niadtong mga tuiga lima sa siyam ka mga Supreme Court Justices mga Amerkano). Tungod niini nag-underground ang PKP-1930 ug nasudlan kini sa grupo sa mga Marxist pinangulohan ni Pedro Abad Santos. Pagka tuig 1937 subling gidawat sa gobiyerno isip legal nga organisasyon ang PKP-1930 agi og tubag sa nagkakusog nga hulga sa Fascist nga idolohiya sa Germany ug ang pagka-militaristang polisiya sa Japan.  Tuig 1938 nag-usa ang Socialist Party ug PKP-1930 ug misalmot sa mga lokal nga eleksyon pagka-1940 nga miresulta sa pagkabutang sa pwesto sa unom ka mga komunistang mayor sa nagkadaiyang lungsod sa Luzon.

Traffic Education(Compulsory Signs)Compulsory Sound Horn Sign

Ang Compulsory Sound Horn sign susama og dagway sa Horn Prohibited sign apan ang nakalahi sa naulahi duna kini badlis sa tunga nga padahili nga nagpasabot ‘bawal.’ Ang Compulsory Sound Horn walay badlis. TIPS: Kini nagmando sa mga drayber nga mobusina, sagad kini ibutang sa mga dapit duol sa mga dalan nga adunay gagmay’ng lutsanan nga dili makita kung layo pa.