CEBU, Philippines - Nagkuwang ang mga sakyanan tungod sa kadaghan sa mga pasahero ang Cebu South Bus Terminal sa milabay’ng kalagkalag.
Gibutyag kini ni Carmen Quijano ang manager sa CSBT petsa 31 paa sa Oktubre nagsugod og dagsa ang mga pasahero hangtud na sa petsa 1 ug dos sa Nobiyembre.
Matud pa niya nga mas daghan ang mga pasahero karon itandi sa nangaging mga katuigan panahon sa Undas maong nagkulang gyud ang mga pasaheroang bus ug daghang mga pasahero ang natanggong sa terminal gikan sa petsa 31 sa udto hangtud sa tungang gabii.
Sumala pa niya nga gikan sa Oktubre 31 hangtud Nobiyembre 1 sa kaadlawon miabot og kapin 30 mil ka pasahero ang nagdasok sa terminal ug nianang pagkaadlawan na sa Nobiyembre 1 nadungagan pa kini og 15 mil ka pasahero.
Ang CSBT adunay 400 ka mga bus ug mini-bus apan kuwangan gihapon tungod sa kadaghan sa pasahero. Usa sa nakitang rason mao ang pagtangtang na sa Kapitolyo sa P5 nga entrance fees sa matag pasahero.
“Sus grabe gyud ka daghan karung kalag-kalaga ambot diin to gikan ang mga tawo abot sa E-Mall ang linya. Posible tungod siguro sa pagtangtang sa terminal fee kay makita nato hasta mga bata gipangdala,” dugang asoy ni Quijano. (BANAT NEWS)