Mga hayop sa Carmen gibakunahan

CEBU, Philippines - Mikapin sa 200 ka mga hayop sa barangay Ypil lungsod sa Carmen, amihanang bahin sa lalawigan sa Sugbo nakapahimus sa   programa sa Provincial Veterinarian's Office atol sa ilang gipatuman nga Veterinary Outreach Program.

Sumala pa ni Veterinarian IV Dr. Mary Ann Gabuna nga ang ilang Veterinary Outreach Program sa barangay Ypil maoy tipik ug kabahin sa ipahigayon nga 6th Season sa The Governor's Cup a Horse Show and Competition North Qualifying Race nga ipahigayon sa maong lungsod.

Si Dr. Gabuna nagkanayon nga ang mga kahayopan nga ila nang nahatagan og serbisyo naglangkob sa mga baka, kabaw ug kanding sa maong lungsod.

 Apan gawas   sa animal consultation,   nakapamakuna usab sila og mga baka, kabaw ug kanding isip panagang sa sakit nga hemorrhagic septicemia, ingon man pregnancy diagnosis sa mga baka,  nangapon, namurga ug namakuna usab og mga iro nunot sa programa bahin sa rabies eradication and control program sa kagamhanan sa lalawigan.

Subay sa ipahigayon nga North Qualifying Race sa 6th Season sa The Governor’s Cup A Horseshow and Competition sa lungsod sa Carmen, si Provincial Veterinarian III Dr. Louie Maestrado miingon nga sama sa nangaging mga kompetisyon magpadayong kulbahinam gihapon ang sangka niining tuiga nga salmotan sa mga horse rider   sa Borbon, San Remigio ug Sogod. (WC) (BANAT)