Nagpare- histrong botante nagdasok

CEBU, Philippines -Nagpunsisok na ang mga tawo sa padayon nga rehistrasyon sa buhatan sa Commission on Election sa dakbayan sa Sugbo nga gikatakdang hunongon karong Oktubre 31.

Gipaabot ni Cebu City north district election officer Marchel Sarno nga magpadayon ang paghuot sa mga tawo hangtud sa katapusang adlaw sa rehistrasyon apan iyang giklaro nga wala’y mahitabo nga extension.

 Matud pa niya nga ihan-ay pa ang listahan sa mga botante sa higayon nga matapos na ang rehistrasyon ug dako kini nga trabahoonon.

Dugang pa ni Sarno nga dili usab angay nga basulon ang Comelec kung dunay mga tawo nga magyawyaw gumikan sa kataas nga linya sanglit adunay higayon nga malangay ang proseso sanglit nagkuwang ang ilang kahimanan.

Sumala pa ni Sarno nga nagsugod ang pagpanawat sa mga bag-ong botante sukad pa sa milabay nga duha ka tuig ug wala sila nagkuwang sa pagpahimangno sa katawhan. (EIM) (BANAT)