Pagbayad sa medisina alang satambalanan sa goberno gituki

CEBU, Philippines - Gituki atol sa Economic Enterprise Council (EEC) meeting ang bahin sa pamaagi sa pagbayad sa kagamhanan sa lalawigan ngadto sa mga kompaniya sa tambal nga gustong mu-supply og medisina ug mga ekipo sa laboratory sa mga tambalanan sa kagamhanan niining lalawigan sa Sugbo.

Ang maong tigum gitambongan sa   upat ka    kompaniya sama   sa V & E Medical Solutions, Qualifirst Health Incorporated, Euro-Med Laboratories ug NATRAPHARM kinsa mihandos sa ilang tagsa-tagsa ka proposal.

Lakip sa ilang gipresentar nga proposal ngadto sa EEC   nga gipangunahan ni Gobernador Gwendolyn Garcia ang pamaagi sa pagpanghatud sa mga medisina, ang termino sa pagbayad niini ug uban pa.

Gipaabot nga magpinirmahay og memorandum of agreement (MOA) ang kagamhanan sa lalawigan sa Sugbo ug ang nahisgutan nga mga kompaniya aron masugdan na ang pag-supply nila sa mga medisina ug laboratory equipment alang sa mga tambalanan nga gidumala sa Kapitolyo.

Sa samang tigum, subli nga gituki sa EEC   ang gisugyot sa Integrated Waste to Energy Facility    sa dakbayan sa Naga .

Matud pa sa gobernador   nga pinaagi sa MOA, ang mga tambalanan sa goberno sa lalawigan makabaton na unya og abunda nga mga tambal.(/WC) (BANAT NEWS)